Paralajmërohet rënie e solidaritetit për refugjatët ukrainas

Keystone

Një grup i shoqërisë civile thotë se solidariteti për refugjatët nga Ukraina në Zvicër po pakësohet më shumë se një vit pas pushtimit të Ukrainës nga Rusia, përcjell albinfo.ch.

Familjet pritëse zvicerane gjithnjë e më shumë i nxisin mysafirët e tyre që të gjejnë strehimin e tyre dhe gatishmëria për të ofruar mbështetje dhe donacione vullnetare po pakësohet,tha Julia Peters, presidente e fondacionit të bamirësisë Miqtë e Mirë për Ukrainën.

Ndryshimi i humorit është i dukshëm edhe në komentet e lexuesve për artikujt e gazetave për gratë ukrainase. Njerëzit thonë se [ukrainasve] u jepet trajtim preferencial”, tha ajo për gazetën SonntagsZeitung.

“Kam përshtypjen se zviceranët po e humbin durimin,” tha ajo. Por shumë njerëz nuk e kuptojnë se refugjatët nuk mund të kthehen thjesht në Ukrainë dhe lufta nuk do të përfundojë shpejt, sipas Peters.

Gati 80,000 refugjatë nga Ukraina kanë ikur në Zvicër dhe shumica e tyre kanë marrë një status të veçantë ligjor.

Në një moment gjatë 12 muajve të fundit, rreth 25,000 refugjatë u vendosën nga individë privatë.

Të tjerët jetojnë në qendra të vendosura nga autoritetet lokale, ku ushtria ofron mbështetje logjistike dhe personel shtesë, përcjell tutje albinfo.ch.