Çmimi i energjisë elektrike në Zvicër do të rritet në vitin 2024

(KEYSTONE/Christian Beutler)

Një familje mesatare zvicerane do të shohë dyfishimin e kostove të lidhjes së saj të energjisë elektrike vitin e ardhshëm, pasi operatori i rrjetit planifikon për herë të parë të ngarkojë konsumatorët për koston e mbajtjes së rezervave dimërore, përcjell albinfo.ch.

Një familje mesatare me një konsum vjetor prej 4,500 kilovatë orë (kWh) do të paguajë 146 CHF për t’u lidhur me rrjetin elektrik – më shumë se dyfishi i tarifës aktuale prej 70 CHF këtë vit, njoftoi të mërkurën operatori Swissgrid.

Pas kësaj rritjeje qëndron një rritje e çmimit të sistemit të transmetimit, së bashku me vendimin e qeverisë për të kaluar koston e mbajtjes së rezervave dimërore si tek familjet private, ashtu edhe te bizneset. Për herë të parë, konsumatorët do të përballojnë koston e rezervave hidroelektrike, termocentraleve rezervë dhe gjeneratorëve të energjisë emergjente, të gjitha masat që synojnë të sigurojnë furnizimin e vendit.

Swissgrid shpjegoi se rritja e çmimeve po nxitej nga faktorë të jashtëm, mbi të cilët nuk kishte ndikim. Çmimet në tregjet evropiane të energjisë elektrike pritet të mbeten të larta në mes të një krize energjie të vazhdueshme; Swissgrid parashikon gjithashtu një rritje të konsiderueshme në kostot e prokurimit për rezervën e fuqisë së kontrollit, përcjell tutje albinfo.ch.