Nëse planifikoni të udhëtoni në Gjermani në dy ditët e ardhshme, mos e bëni

Greva gjermane, nuk do të ketë transport drejt Zvicrës

Mediat zvicerane raportojnë se nëse planifikoni të udhëtoni në Gjermani në dy ditët e ardhshme – mos e bëni, përcjell albinfo.ch.

Ndërsa sindikatat gjermane bënë thirrje për një grevë njëditore në sektorin e transportit të hënën, nuk do të funksionojnë trenat në distanca të gjata.

Sa i përket udhëtimit ajror, “aeroportet në Frankfurt do të mbyllen të hënën (27 mars) dhe në Mynih të dielën dhe të hënën (26-27 mars)”, tha linja ajrore SWISS.

“Fatkeqësisht, anulimet dhe vonesat në oraret e fluturimeve të SWISS dhe Lufthansa Group për dhe nga këto aeroporte do të jenë të pashmangshme”.

Ju mund të anuloni ose të ndryshoni falas çdo plan udhëtimi që keni bërë tashmë për ato data.

---