KE-ja, me iniciativë për kthimin e fëmijëve të rrëmbyer nga Rusia

Përmes një deklarate, komisioni tha se do të organizojë një konferencë me Poloninë për të nisur programin.

Një iniciativë të re do të marrë Komisioni Evropian, me synimin për kthimin e fëmijëve të rrëmbyer nga Rusia.

Përmes një deklarate, komisioni tha se do të organizojë një konferencë me Poloninë për të nisur programin.

“Mijëra fëmijë janë rrëmbyer nga Rusia. Ky krim lufte justifikon urdhërarrestet e lëshuara kundër Putinit nga Gjykata Ndërkombëtare Penale”, thuhet në deklaratën e KE-së, përcjell albinfo.ch.

Muajin e kaluar, Gjykata Ndërkombëtare Penale lëshoi ​​urdhërarrest për presidentin rus dhe komisionerin e tij për të drejtat e fëmijëve për krime të dyshuara lufte. Urdhëresat i akuzojnë ata për rrëmbimin e fëmijëve nga Ukraina.

Organizata ukrainase “Save Ukraine” tha se kishte kthyer 31 fëmijë nga Rusia, ku ishin marrë më herët gjatë luftës./Albinfo.ch

---