Zvicër: Nuk u kursye energji elektrike sa pritej

Pixabay: Ilustrim

Nga tetori 2022 deri në mars 2023, konsumi i gazit është ulur pak më shumë se objektivi prej 15%, raportoi të enjten televizioni publik RTS, përcjellë albinfo.ch.

Plani i kursimit u vendos nga qeveria në gusht 2022 si pjesë e përpjekjeve në mbarë Evropën, kjo parashihte nxitjen e familjeve, industrisë, shërbimeve dhe institucioneve publike që të reduktonin termostatin, duke qenë se ngrohja përbën tre të katërtat e gazit të konsumuar në dimër. Gjithashtu u inkurajua kalimi vullnetar i instalimeve me karburant të dyfishtë nga gazi në naftë, shkruan Swissinfo.ch, përcjellë albinfo.ch.

Po një objektivë tjetër e vendosur nga qeveria, ajo për uljen e konsumit të energjisë elektrike prej 10% nuk u arrit. Sipas RTS-së, konsumi ra vetëm 4%, përcjellë albinfo.ch.

Parlamentarja e Partisë së Gjelbër, Delphine Klopfenstein i tha RTS se ishte ende e rëndësishme të bëhej më shumë për të shmangur mungesat në të ardhmen. Fushata e qeverisë për të inkurajuar kursimet, e nisur gjithashtu gushtin e kaluar, duhej të shoqërohej nga stimuj dhe masa detyruese, tha ajo, përcjellë albinfo.ch.

Sipas Zyrës Federale të Energjisë, konsumatorët duhet të vazhdojnë të bëjnë përpjekje për të reduktuar vullnetarisht përdorimin këtë vit, veçanërisht pasi rritjet e çmimeve në tregun e energjisë. Sipas Fondacionit Zviceran të Energjisë, e hëna më 17 prill do të shënojë “ditën e pavarësisë së energjisë” të vendit – dita në të cilën mbaron prodhimi vendas i energjisë i vendit për vitin dhe ai bëhet i varur nga importet nga jashtë. Mbi 70% e burimeve energjetike të Zvicrës vijnë nga jashtë, tha fondacioni të premten. Kjo është më pak nga 80% dy dekada më parë. Nga krahasimi evropian, shifra është mesatare; Estonia është më e pavarur nga energjia, me 98%, shkruan swissinfo.ch, përcjellë albinfo.ch.