Shpërthim i madh në qendër të Milanos, 4 të plagosur

pixabay

Raportohet se katër persona u plagosën nga shpërthimi i ndodhur të enjten në qendër të Milanos. Video nga vendi i ngjarjes tregojnë disa makina dhe motoçikleta të përfshira nga flakë në një rrugë midis dy ndërtesave, njëra prej të cilave është një farmaci, me tym të zi të dendur që dilte nga shpërthimi, përcjell albinfo.ch.

Mediat italiane raportojnë se shpërthimi ka ndodhur pasi një furgon me bombola oksigjeni ka marrë flakë. Gazetari i Euronews, Alessio Dell’Anna, në Milano, thotë se katër persona raportohet se u plagosën në shpërthimin që ndodhi në lagjen Porta Romana të qytetit verior.

Ai thotë se zona është rrethuar dhe një kopsht fëmijësh aty pranë është evakuuar.