Përleshje mes tifozëve në Lucern, ndërhynë policia

Twitter: Patrick Keizer

Ndeshja që përfundoi me barazim mes FC Luzern dhe FC St. Gallen u përcoll me përleshje mes tifozëve në Bundesplatz në Lucern dhe në stacion të trenit.

Ata hodhën mjete piroteknike, shishe dhe gurë në drejtim të policisë dhe kalimtarëve. Policia është detyruar të ndërhyjë me plumba gome, gaz lotsjellës dhe topa uji, shkruan Blick.

“Sipas konstatimeve fillestare, nga mjetet e përdorura janë lënduar katër persona”, thuhet në njoftimin e policisë, përcjellë albinfo.ch.

Gjatë marshimit drejt stadiumit, disa fishekzjarrë dhe mjete të tjera piroteknike u ndezën nga mbështetësit e FC St. Gallen, tha policia e Lucernit të dielën mbrëma.

Ata po ashtu spërkatën fasadat e ndërtesave dhe disa automjete, përcjellë albinfo.ch.