Nga 1 qershori, qiratë në Zvicër ka të ngjarë të rriten ndjeshëm

pixabay

Kur norma standarde e hipotekës të rritet më 1 qershor – siç pritet – shumë pronarë do të jenë në gjendje të rrisin qiratë, përcjell albinfo.ch.

Nëse norma rritet nga 1.25 në 1.50 për qind, siç parashikojnë ekspertët, pronarët do të jenë në gjendje të rrisin qiratë me 3 për qind, sipas Bankës Kantonale të Cyrihut.

Aktualisht, 54 për qind e kontratave të qirasë në Zvicër bazohen në atë normë, por rajonalisht, përqindja është edhe më e lartë.

Në zonën e Cyrihut, për shembull, si dhe në Zvicrën qendrore më shumë se 60 për qind e kontratave të qirasë bazohen në një normë referencë prej 1.25 për qind.