Literaturë
ShKShZ mbajti orë letrare në kujtim të shkrimtares Miradije Maliqi
Valdet Berisha, kryetar i ShKShZ: "Miradije Maliqi ishte pjesë e zanafillës së daljes në sipërfaqen letrare të krijimtarisë shqipe në Zvicër..."

Të premten, më 23 qershor, në Bibliotekën Pestalozzi, në Hardau ZH, Shoqata e Krijuesve Shqiptarë të Zvicrës mbajti një orë letrare në shenjë nderimi e kujtim për shkrimtaren tonë Miradie Maliqi.
“Disa, në rrugëtimin e tyre të shkurtër dialektik, kapërcejnë pa vërejtur gjurmët e veta, me bindjen e thellë që janë në thelbin e shuarjes së mallit, për atë që e duan dhe i përkushtohen deri në fund. Ky vrull, shpesh i verbër, për t’i bashkuar të tjerët në formën më magjike. Ne jemi sot këtu pikërisht në shenjën e këtij udhëkryqi të përjetshëm, që zhvendoset vazhdueshëm nga gjeneratat”, tha në fjalën e tij të hyrjes kryetari i ShKShZ-së, Valdet N. Berisha.
Miradije Maliqi ishte pjesë e zanafillës së daljes në sipërfaqen letrare të krijimtarisë shqipe në Zvicër, zanafillë e cila trasoi dukshëm rrugën, në një kohë të vështirë për kombin, në mesin e viteve 90-të të shekullit të shkuar. Ishte ajo kohë e vrullshme, kur ne po ngrisnim tenden tonë të forcës letrare në një terren të huaj beteje. Miradije Maliqi ishte aty, konsekuente dhe e pazëvëndësueshme, ashtu siç mbeti deri në frymën e saj të fundit, u shpreh më tutje Berisha.
Poezi nga krijimtaria letrare e Miradije Maliqit lexuan Ramadan Morina dhe Hyrije Jusufi, shkruann ShKShZ në një njoftim të saj në mediat sociale.
Një shënim të shkurtër për jetën dhe veprën letrare të Miradije Maliqit e lexoi Bujar Salihu, sikurse edhe pjesë të zgjedhura nga recensione të disa nga emrave shumë të spikatur të kritikës letrare si Shaip Beqiri, Adem Gashi, Timo Mërkuri, Fatime Kulli, Shqipe Bytyqi etj.
Më pas me një fjalë u paraqit Sadije Kërçeli, përfaqësuese e Korit të Grave “Lyra” të Cyrihut, pjesë e të cilit ishte edhe Miradije Maliqi. Poezi përkushtuese për Miradije Maliqin lexuan poetet Raza Smaili dhe Hyrije Jusufi
Në përmbyllje, me një fjalë falënderuese për të gjithë të pranishmit u paraqit edhe bashkëshorti i të ndjerës z.Rexhep Maliqi.
VEPRAT LETRARE të Miradije Maliqit
“Kthimi i mërgimtares së tradhëtuar”, roman, Mirazh Tiranë 1995
“Një lot më shpejt se fjala”, roman, Eurorilindja, Tiranë 1998
“Ditët e heshtjes sime”, roman, Shoqata e Shkrimtarëve Shqiptarë, Shkup 2000
“Dy kurora sonetike”poezi, Asdreni, Shkup 2000
“Më shumë se dashuri”, poemë, Shqiptarja, Tetovë 2003
“Unë dhe shpirtbukura”, roman, Arbëria, Tiranë 2005
“Krenaria e lënduar”, roman, Arbëria, Tiranë 2009
“Rebelimi i ndjenjave”, roman, Arbëria Tiranë 2009
“Kape ditën tënde” poemë, Arbëria Tiranë 2011
“Metaforë malli”, poezi me miq “Ada”Tiranë 2013
“Ti nuk je kujtim” publicistikë, Bota shqiptare,Tiranë, 2015
„Ëndrroj se Zgjohem” poezi, Ars poetika Durrës, 2015
“Kështjella e fjalëve” (Castelul Cuvintelor) Poezi shqip- rumunisht, Biblioteka Literatura Albaneza 2
“Nëna dhe Bija” Prishtinë 2021
E-Diaspora
-
Udhëtarë nga Gostivari bllokohen 15 orë në Austri pas defektit të autobusit, kompania nuk reagon Një grup udhëtarësh që po ktheheshin nga Gostivari drejt Gjermanisë kanë mbetur të bllokuar për rreth...
-
Piloti kosovar në qiellin ndërkombëtar, Lirik Qerimi licensohet për Boeing 737
-
Afro dy ore pritje në dalje të pikës Merdarë dhe Dheu i Bardhë
-
Dënim i përjetshëm kosovarit, për vrasjen e “dyshes” së një gruaje
-
Esat Bytyqi në mesin e arkitektëve më të mirë në Austri
Jeta në Zvicër
-
Bllokim 12-kilometërsh në Gotthard Trafiku drejt veriut nga jugu i Zvicrës u përball me bllokime të gjata të dielën pasdite,...
-
Nivel “i papërfytyrueshëm” i mikroplastikave në ujin Contrex dhe Hépar, sipas Mediapart
-
A mund t’i vësh fëmijës tënd në Zvicër çdo emër që dëshiron?
-
Nxehtësia rrezikon të bëjë shumë shtëpi në Zvicër të pabanuara
-
Qeveria federale shqyrton blerjen e një pistolete që supozohet të qëllojë pa dashje