Sindikata në Zvicër do të bëjë fushatë për paga më të larta

(KEYSTONE/Christian Beutler)

Sindikata më e madhe e Zvicrës, UNIA, po fillon një fushatë që synon “të imponojë rritje të përgjithshme të pagave dhe fuqisë blerëse për të kompensuar rritjen e çmimeve”, vendosën 82 delegatët e sindikatës në asamblenë e tyre të përgjithshme të shtunën, përcjell albinfo.ch.

Ata po kërkojnë “paga minimale prej 4,500 frangash dhe 5,000 frangash [në muaj]” për punonjësit e kualifikuar.

“Punëdhënësit duhet të kompensojnë plotësisht rritjen e çmimeve dhe të paguajnë paga të denja”, tha sindikata.

Delegatët shtuan se UNIA është “shumë e motivuar për të nxjerrë në rrugë luftën për paga më të larta dhe pensione më të mira këtë vjeshtë”.