Përmbytje edhe në Norvegji, evakuohen mijëra njerëz

Chaudhary Parvez, Twitter

Të mërkurën edhe Norvegjia është përfshirë nga përmbytjet. Mijëra banorë u detyruan të evakuoheshin për shkak se shtëpitë e tyre u përmbytën ose u shkatërruan nga rrëshqitjet e dheut.

Rrugët kryesore janë mbyllur dhe shërbimet hekurudhore janë pezulluar në pjesën më të madhe të jugut të vendit pasi lumenjtë kanë dalë nga shtrati. Autoritetet kanë paralajmëruar për më shumë përmbytje në ditët në vijim pasi uji lëviz në zonat e ulëta bregdetare, shkruan RTS.

Në qarkun Innlandet, një nga zonat më të goditura, shumë njerëz kanë mbetur të ngujuar nga përmbytjet dhe reaguesit e parë mund të mos jenë në gjendje të arrijnë tek ata në nevojë.

“Ne jemi në një emergjencë kombëtare,” tha kryebashkiaku i Innlandet Aud Hove në një deklaratë për shtyp.

Qeveria vendosi të mërkurën të mobilizojë më shumë helikopterë për të marrë pjesë në evakuime, tha Ministria e Drejtësisë dhe Sigurisë Publike për kanalin televiziv TV2, përcjell albinfo.ch.