Zjarret në Havai: 53 të vdekur, Biden deklaron “katastrofë të madhe”

Keystone (Matthew Thayer/The Maui News via AP)

Numri i të vdekurve nga zjarret në ishullin Maui të Havait është rritur në 53.

“Derisa përpjekjet për shuarjen e zjarrit vazhdojnë, 17 viktima të tjera janë konfirmuar sot mes zjarrit aktiv në Lahaina. Kjo e çon numrin e të vdekurve në 53 persona”, u tha në një deklaratë të qarkut Maui.

Më herët, Guvernatori i Hawaiit, Josh Green, tha se numri i të vdekurve do të rritet “shumë domethënës”, ndërsa operacionet e shpëtimit vazhdojnë, shkruan DW.

Dhjetëra mbetën të plagosur ndërsa bënë përpjekje të dëshpëruara për t’u larguar nga flakët dhe mbi 270 ndërtesa u dëmtuan ose u shkatërruan plotësisht, thanë zyrtarët.

Presidenti i SHBA-së, Joe Biden, të enjten e shpalli zjarrin si një “katastrofë të madhe”, duke premtuar fonde federale për ishullin e shkatërruar të Maui.

Një deklaratë e Shtëpisë së Bardhë tha se ndihma federale kushtuar fatkeqësisë synon “të plotësojë përpjekjet shtetërore dhe lokale të rimëkëmbjes në zonat e prekura nga zjarret”, përcjell albinfo.ch.

Shumë vende historike u shkatërruan në qytetin në perëndim të Mauit, thanë zyrtarët. Humbjet përfshijnë ndërtesa përgjatë Frontit historik të Lahaina dhe një pemë gjigante Banyan që u importua në ishull nga India në 1873, shkruan DW.