Zvicër: Peticion për deklarimin e vajit të palmës në produktet joushqimore

Delegatë indigjenë nga Malajzia dhe Fondi Bruno Manser sot paraqitën një peticion për deklarimin e detyrueshëm të vajit të palmës në produktet joushqimore dhe rreth 12,000 nënshkrime janë depozituar në Kancelarinë Federale, shkruan swissinfo, përcjell albinfo.ch.

“Ajo që industria e vajit të palmës po u bën pyjeve tona tropikale është më e keqe se shpyllëzimi”, tha aktivisti indigjen, Mutang Urud.
Rreth 85% e vajit të palmës në botë vjen nga Malajzia dhe Indonezia, sipas organizatës për mbrojtjen e pyjeve tropikale, megjithatë, kultivimi i vajit të palmës bëhet në kurriz të pyjeve tropikale.

Deklarimi i vajit të palmës në ushqime është i detyrueshëm në Zvicër që nga viti 2016, por jo për produktet joushqimore. Ky vaj vegjetal përdoret në shumë produkte, si qirinj, sapunë, kozmetikë, produkte pastrimi dhe bojëra.