Blerta Krenzi, kryetare e Komunës Avesta, në rajonin Dalarna, Suedi

Blerta është një shembull i mirë i integrimit në shtetin suedez

Një numër i konsiderueshëm i mërgimtarëve në Suedi po depërtojnë në shumë fusha të ndryshme.

Blerta Krenzi është shqiptarja, e cila jeton dhe vepron në shtetin suedez. Ajo është kryetare e Komunës Avesta, rajoni Dalarna, Suedi, shkruan albinfo.ch.

Blerta Krenzi u zgjodh kryetare e Komunës në nëntor 2022, detyrë të cilën ajo e kryen me profesionalizëm dhe përkushtim të madh. Më parë, Blerta ka qenë Kryetare e Asamblesë Komunale të Avestas.

Ajo po ashtu është e gatshme për të rritur më tej bashkëpunimin mes Kosovës dhe Suedisë në sektorë të ndryshëm, në nivel lokal.

Sukseset e arritura nga diaspora e Kosovës janë dëshmi e qëndrueshmërisë dhe punës së palodhur të bashkatdhetarëve tanë në sfera të ndryshme në skenën globale./Albinfo.ch

---