Zgjate dorën për barazim, qesh fort Granit Xhaka

Gjatë konferencës për shtyp, Granit Xhaka u pyet nëse do të pranonte barazimin në këtë ndeshje

Të dyja kombëtaret, edhe Kosova edhe Zvicra kanë mbajtur konferencë për media në prag të ndeshjes kualifikuese për Evropian.

Momenti më interesant ishte kur u pyet Xhaka nëse do të pranonte barazimin në këtë ndeshje.

“Trajneri tha që kanë ardhur për fitore, por si kapiten a po e zgjat dorën për një barazim” ishte pyetja që solli shumë të qeshura në konferencën për media të kapitenit të Zvicrës, Granit Xhaka, dhe përzgjedhësit Murat Yakin, para ndeshjes me Kosovën, shkruan koha.net, përcjell albinfo.ch

Megjithatë në këtë pyetje nuk mori përgjigje nga Xhaka që shkurt duke qeshur tha se “nuk ka përgjigje”.

E përzgjedhësi Yakin më i matur u shpreh se “mund të jemi miq para dhe pas ndeshjes”.

Ndeshja zhvillohet të shtunën në “Fadil Vokrri” në Prishtinë nga ora 20:45

---