Hekurudhat Malore Zvicerane përjetuan gusht të dobët

Foto ilustrim: @pixabay

Swiss Mountain Railways, apo Hekurudhat Malore Zvicerane, kanë njoftuar sot se muaji gusht i vitit 2023 ishte më i dobët se në vitin 2022, megjithatë, rezultatet për sezonin veror të deritanishëm janë mbi mesataren e pesë vjetëve të fundit, shkruan swissinfo, përcjell albinfo.ch.

Nga muaji maj deri në gusht shitjet e transportit të pasagjerëve u rritën me 9%, dhe numri i të ftuarve me 4%, teksa vetëm në gusht numri i të ftuarve ra me 5% nga viti në vit dhe kjo shpjegohet me, siç u tha, “dëshirën e zviceranëve për të udhëtuar përsëri jashtë vendit pas turbullirave të viteve të shënuara nga Covid”.

Sipas rajonit, numri i klientëve u rrit më fuqishëm në Oberland Bernese dhe Zvicrën Qendrore, përkatësisht me 12% dhe 16%. Në të kundërtën, numri i klientëve në Graubünden dhe Zvicrën Lindore ra me 10%.

Krahasuar me mesataren pesëvjeçare, rezultatet janë më të mira, me rritje prej 28% në Zvicrën Qendrore dhe 17% në Alpet Vaud dhe Fribourg.