Lajme
Piktori Mentor Berisha hap ekspozitë në Baden të Austrisë
„Solidariteti si rezistencë“

Në Baden të Austrisë do të hapet ekspozitë personale nga Mentor Berisha në adresen Theater am Steg, Johannesgasse 14, 2500 Baden, shkruan albinfo.at.
Data e hapjes bëhet të mërkurën, më 20.09, në orën 19:00, ndërsa datat e ekspozitës: e mërkurë 20.09 – e diel 01.10.2023.
„Solidariteti si rezistencë“, është cikli i punimeve të Mentor Berishës, të realizuara gjatë viteve të fundit në pikturë, dhe ka për fokus temën e sensibilizimit të grupeve të ndryshme sociale-kulturore, përgjatë viteve 90-ta në Kosovë.
Ky cikël përmban motive nga „Falja e gjaqeve“, të shumë familjeve tradicionale shqiptare, aksion i pajtimit gjithëpopullor si akt kundër së keqes (gjakmarrja), i nisur nga një grup intelektualësh të udhëhequr nga prof. Anton Çetta, si dhe „Greva e Minatorëve të Minierës së Trepçës“, si akt solidar i punëtorëve shqiptarë kundër regjimit të atëhershëm, që rezultoi më vonë me largimin e tyre nga puna, duke thyer çfarëdo konvente ndërkombëtare mbi organizimin sindikal.
Në motivet e këtyre cikleve gjendet një histori kulturore e trashëgimisë kosovare, që përmes laboratorit krijues artistik rigjejnë rrugën e kthimit në kohën tonë. Ato na rishfaqen si arketipe identitare përmes një stili mjaft të veçantë, siç është ekspresionizemi modern, ku pikturat shprehin më tepër se anën e tyre dydimensionale. Mentor Berisha, në këtë cikël përdor një teknikë të veçantë, `spachtel`, duke pikturuar `Alla Prima`; piktura që manifestojnë një strukturë plastike pikturimi që dalin nga tehu elastik përbrenda e paralelisht me sipërfaqen e kanavacës. Në të krijohen thellësi figuracionesh që kanë avantazhin e dimensionit të tretë – e që mundësohet nga ndikimi i efektit të dritës, e ku vende-vende shtresat e trasha krijojnë korrespondencë me skulpturën.
Mentor Berisha është i njohur për përmbajtjen dhe kompozicionin shprehës drejt një rregulli të ri imazhor me nuanca të Ekspresionizmit modern në pikturë, për forcën e thekshme në përzgjedhjen e ngjyrave, vendosjen specifike të dritës në copëza subimazhesh, përmes një praxis-i më të lirë e të hapur çastësor.
http://mentorberisha.com/upcoming-exhibition/
E-Diaspora
-
Simpoziumi Ndërkombëtar në Bazel: Kosova, pjesë e dialogut global për kujdesin shëndetësor të integruar Ngjarja, e organizuar nga Instituti Zviceran për Sëmundje Tropikale dhe Shëndet Publik, mblodhi rreth 130 ekspertë...
-
Berna shpërndan 700 kupona në vlerë prej 400 frangash për kurse të gjermanishtës
-
Thirrjet për zbardhjen e fatit të të zhdukurve, thirrje për dinjitet njerëzor
-
Bernë: Java e 16-të kundër Racizmit do të zhvillohet nga 21 deri më 28 mars 2026
-
Mosmarrëveshjet për pronën çuan në vrasjen e mërgimtarit shqiptar në Itali
Jeta në Zvicër
-
Blatten: Gati, plani i rindërtimit të fshatit të shkatërruar Kryetari i bashkisë, Matthias Bellwald, është i bindur se shumica e banorëve do të mund të...
-
Aksident i rëndë në autostradën A14: Një i vdekur, tetë të plagosur
-
Aspektet më të mira dhe më të këqija të jetës në Zvicër për të huajt
-
Simpoziumi Ndërkombëtar në Bazel: Kosova, pjesë e dialogut global për kujdesin shëndetësor të integruar
-
Kufiri i shpejtësisë prej 30 km/orë: Këshilli Federal propozon rregulla të reja