Kryqi i Kuq Zviceran do të dërgojë ekipin e ndihmës në Marok

FB: ICRC

Tetë specialistë nga Kryqi i Kuq Zviceran do të ndihmojnë viktimat e tërmetit që kanë humbur shtëpitë e tyre, duke ofruar strehim, qasje në ujë të pijshëm dhe ushqim.

Kryqi i Kuq Zviceran (SRC), me mbështetjen e qeverisë federale, po ofron 750,000 CHF si ndihmë emergjente, ndërsa ka hapur edhe një llogari donacionesh, shkruan swissinfo, përcjell albinfo.ch.

Ekipi i logjistikës në Marok po kujdeset për importin dhe marrjen e furnizimeve me ndihmë, teksa punonjësit e ndihmës do të vijnë nga grupi i urgjencës SRC, Federata Ndërkombëtare e Shoqatave të Kryqit të Kuq dhe Gjysmëhënës së Kuqe (IFRC) dhe shoqatat kombëtare.

SRC do të mbështesë Gjysmëhënën e Kuqe Marokene për të siguruar logjistikën dhe për t’u kujdesur për aeroplanët e ngarkesave që ulen në Casablanca dhe zhdoganimin dhe, përveç kësaj, ekipi do të sigurojë transportin e furnizimeve me ndihma në zonat e prekura dhe do të sigurojë materiale shtesë në terren.