Josep Borrell u telefonon Kurtit e Vuçiqit

Përfaqësuesi i Lartë i Bashkimit Evropian, Josep Borrell, i ka telefonuar kryeministrit të Kosovës, Albin Kurti dhe presidentit serb, Aleksandar Vuçiq, pas sulmit të orëve të para të mëngjesit të sotëm.

Sipas njoftimit, Borrell përsëriti thirrjen e tij për sulmuesit që të dorëzohen menjëherë dhe lirimin e pelegrinëve në Manastirin e Banjskës, që ata të largohen të sigurt, ndërsa bëri thirrje për rivendosjen e qetësisë dhe stabilitetit.

Ndërkaq në njoftim bëhet e ditur se EULEX-i po monitoron situatën në terren.

“EULEX-i, si reagues i dytë i sigurisë, është duke monitoruar situatën në terren dhe është i gatshëm të mbështesë institucionet e Kosovës në ruajtjen e stabilitetit dhe sigurisë së të gjitha komuniteteve të saj, në përputhje me mandatin e saj dhe në koordinim të ngushtë me KFOR-in e NATO-n”, thuhet ndër të tjera në njoftim.