Banka Qendrore e Zvicrës vendos stabilitetin e çmimeve para ndryshimeve klimatike

(KEYSTONE/Gaetan Bally)

Kreu i Bankës Kombëtare të Zvicrës ka thënë se Banka qendrore duhet të fokusohet në mandatin e saj të stabilitetit të çmimeve në vend që të përpiqet të futet në politikën e ndryshimeve klimatike.

“Kontributi kryesor i SNB për qëndrueshmërinë e Zvicrës është në stabilitetin e çmimeve”, tha Presidenti Thomas Jordan, shkruan swissinfo.

SNB, ashtu si bankat e tjera qendrore, ka qenë nën presionin e aktivistëve dhe politikanëve për të bërë më shumë për të përshpejtuar gjelbërimin e ekonomisë dhe të sistemit financiar.

Megjithatë Jordan u shpreh se institucionet teknokratike kanë pak fuqi për të ndikuar drejtpërdrejt te konsumatorët dhe investitorët drejt zakoneve më miqësore ndaj mjedisit.

“Shumica dërrmuese e popullsisë zvicerane pajtohet se stabiliteti i çmimeve është i rëndësishëm”, deklaroi ai, ndërsa shtoi se do të ishte “e vështirë” të merrej një mandat për shqetësimet mjedisore.

SNB u përball me protesta në mbledhjen e saj të përgjithshme vjetore këtë vit, duke bërë thirrje për zgjedhje më të përgjegjshme investimi.

Aktivistët kërkuan që Banka qendrore të përdorë rezervat e saj në valutë prej 700 miliardë frangash për të nxitur qëllimet klimatike, gjë që Jordano i hodhi poshtë ato, duke thënë se mandati i vetëm i Bankës qendrore është stabiliteti i çmimeve.