Lajmet që e karakterizuan Zvicrën

Nxënësit zviceranë kanë rezultate më të mira në shkollë sesa emigrantët, aeroporti i Cyrihut, viktimë e mashtrimit të ‘bagazheve’; dhe lajme të tjera në përmbledhjen e së hënës.

Studentët zviceranë ia kalojnë të huajt

Një raport i ri nga Drejtorët Kantonalë të Arsimit Publik (CDEP) tregon se studentët zviceranë marrin rezultate më të mira të përgjithshme shkollore sesa bashkëmoshatarët e tyre që kanë prejardhje emigrante.

Ky ndryshim në arritjen e nivelit ndryshon ndjeshëm në varësi të llojit të trajnimit të ndjekur, si dhe statusit të migrimit të studentëve, zbuloi CDEP.

Ndër këta të fundit, ata që kanë lindur në Zvicër (edhe nëse janë shtetas të huaj) performojnë shumë më mirë se ata që kanë ardhur në vend më vonë.

Arsyeja është se studentët me origjinë të huaj kanë më shumë vështirësi në ndjekjen e kurrikulës, veçanërisht për shkak të disavantazheve socio-ekonomike, si dhe pengesës gjuhësore, shkruan 20minuten.

Lajme të rreme: Aeroporti i Cyrihut, viktimë e mashtruesve

Postimet e rreme, kinse nga aeroporti i Cyrihut, po bëjnë xhiron e rrjeteve sociale.

Ata reklamojnë shitjen e bagazheve të humbura me çmime të volitshme – 1,95 franga për valixhe.

Sipas zëdhënëses së aeroportit Elena Kuriger, fotografia përmban bagazhe të vërteta, por tabela me çmimin është e rreme.

Me sa duket, individë të panjohur krijuan një llogari të rreme në Aeroportin e Cyrihut për të reklamuar shitjen.

Ndërsa oferta mund të tingëllojë shumë joshëse për gjuetarët e pazareve, mos nxitoni në aeroport duke shpresuar të përfitoni nga kjo ofertë (jo-ekzistente), tha Kuriger, përcjell albinfo.ch.

Djathërat raclette më të mirë në botë

Gjatë kampionatit të parë botëror raclette që u zhvillua këtë të dielë në vendpushimin e skive Morgins, në kantonin Valais, disa djathëra dolën fitues mes 90 pretendentëve.

Në kategori të ndryshme (duke përfshirë djathin raclette të bërë nga qumështi i papërpunuar ose alpin), kantonet e Valais dhe Obwalden u renditën më lart.

Ndërsa raclette vendase dominonte padyshim radhët, një djathë i huaj – nga Haute-Savoie, Francë – kishte rënë në mesin e fituesve zviceranë gjithashtu, shkruan The Local.

Parashikimi i motit

Pas një fundjave relativisht të butë dhe me diell, pritet mot më i ftohtë dhe më i lagësht ditët në vijim.

Duke filluar nga sonte, një front i ftohtë do të sjellë reshje të shumta dhe bora do të bjerë nën 1500 metra, sipas shërbimit të motit MeteoSwiss.

Në zona të caktuara, niveli i linjës së reshjeve të borës mund të jetë edhe më i ulët, përcjell albinfo.ch.

 

---