Lajme
Mësuesit e ‘Shkollës Shqipe’ në Zvicër u priten nga ambasadori i Shqipërisë Mustafa Nano
Ambasadori i Shqipërisë në Zvicër ka pritur në një takim të dielën mësuesit e “Shkollës Shqipe” në Zvicër, të ardhur nga disa kantone.
Ambasadori Nano përgëzoi mësuesit për punën e lëvdueshme që kanë bërë deri tani në masivizimin e gjuhës shqipe dhe vlerësoi lart përkushtimin dhe profesionalizmin e tyre.
“Ai garantoi angazhimin maksimal të Ambasadës së Shqipërisë në Bernë në mbështetje të masivizimit të mësimit të gjuhës shqipe në diasporën shqiptare në Zvicër. Ai shprehu vlerësim të veçantë për prindërit e impenjuar në mbështetje te “Shkollës Shqipe” si dhe për të gjithë veprimtarët që kontribuojnë në ndërgjegjësimin e komunitetit shqiptar për domosdoshmërinë e ruajtjes së gjuhës, kulturës e traditave të bukura shqiptare”, thuhet në njoftimin e ambasadës, transmeton albinfo.ch.
Koordinatori i “Shkollës Shqipe”, profesor Vaxhid Sejdiu dhe mësueset falënderuan Ambasadorin për mbështetjen dhe gatishmërinë e tij në avancimin e mësimit të gjuhës shqipe dhe premtuan për hapje të reja të klasave shqipe.
Me këtë rast Ambasadori u shpërndau mësuesve tekstet shkollore për nxënësit e diasporës shqiptare në Zvicër, të botuara nga Qendra e Botimeve për Diasporën në Tiranë dhe të dërguara nga Ministria për Europën dhe Punët e Jashtme të Republikës së Shqipërisë.
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë