Gjermania synon të dyfishojë ndihmën ushtarake për Ukrainën në vitin 2024

(KEYSTONE/AP Photo/ (AP Photo/Rodrigo Abd)

Kancelari i Gjermanisë, Olaf Scholz me koalicionin e tij qeverisës janë dakorduar të dyfishojnë ndihmën ushtarake gjermane për Ukrainën vitin e ardhshëm në tetë miliardë euro.

Duke cituar burimet e tyre, Bloomberg Neës ka raportuar se nëse miratohet nga parlamenti në Berlin, ku partia e Scholz-it ka shumicën, rritja do të ngrinte shpenzimet gjermane të mbrojtjes mbi objektivin prej 2 për qind të produktit të brendshëm bruto, të premtuar nga të gjithë anëtarët e NATO-s.

Sipas këtyre raportimeve, ligjvënësit nga Socialdemokratët, Demokratët e Lirë dhe të Gjelbrit, partitë që mbështesin Scholzin, ranë dakord për rritjen gjatë negociatave për propozimin e buxhetit federal për vitin 2024, përcjell albinfo.ch.

Ndryshe, plani i Bashkimit Evropian për të shpenzuar deri në 20 miliardë euro për ndihmën ushtarake për Ukrainën ka hasur në rezistencën e vendeve të Bashkimit Evropian.