E kënaqur me garancitë e sigurisë, SWISS rifillon fluturimet për në Bejrut

Ilustrim, Pixabay

Swiss International Air Lines – SWISS ka njoftuar se do të rifillojë fluturimet drejt dhe nga kryeqyteti libanez Bejrut nga 16 dhjetori.

Këto fluturime ishin pezulluar në mes të tetorit për shkak të tensioneve në kufirin me Izraelin, shkruan albinfo.ch.

“Pas një ekzaminimi të thellë të situatës në terren, kompania ajrore konsideron se janë përmbushur garancitë e mjaftueshme të sigurisë për rifillimin e shërbimeve ajrore”, tha SWISS në një deklaratë për shtyp të premten, sipas swissinfo.

Bejruti do të shërbehet deri më 23 janar, teksa siç ishte planifikuar fillimisht, fluturimet më pas do të pezullohen gjatë muajve të dimrit, deri më 22 mars 2024.