KFOR-i për zgjedhjet në Serbi dhe votimin e serbëve nga Kosova: Jemi të gatshëm të ofrojmë siguri dhe liri të lëvizjes

KFOR, Twitter

Misioni paqeruajtës i NATO-s në Kosovë – KFOR, ka shprehur përkushtimin për të ndërmarrë të gjitha masat e nevojshme që të sigurohet ambient i sigurt për të gjitha komunitetet në Kosovë si dhe lirinë e lëvizjes gjatë periudhës së zgjedhjeve në Serbi.

Përmes një postimi në rrjetin social “Facebook”, KFOR-i ka shprehur gatishmërinë që të sigurojë mjedis të qetë për të gjitha komuniteteve në Kosovë, përcjell albinfo.ch.

“KFOR-i është i përkushtuar të marrë të gjitha masat e duhura në mënyrë që të vazhdojë të sigurojë një mjedis të qetë dhe të sigurt për të gjitha komunitetet në Kosovë dhe lirinë e lëvizjes, gjatë periudhës zgjedhore; në përputhje me mandatin e tij bazuar në Rezolutën e Këshillit të Sigurimit të OKB-së 1244 të vitit 1999; në çdo kohë dhe në mënyrë të paanshme”, thuhet në njoftimin e KFOR-it.

Ndryshe, nesër do të zhvillohen zgjedhjet parlamentare dhe lokale në Serbi, ku shqiptarët e Luginës së Preshevës garojnë me dy lista, ajo e Shaip Kamberit dhe Shqiprim Arifit.