Komisioni Evropian nis veprime ligjore kundër “X” për përmbajtje të paligjshme

(KEYSTONE/Christian Beutler)

Komisioni Evropian ka nisur veprim ligjor kundër rrjetit social “X” (ish-Twitter), sipas rregullave të tij historike për platformat online, Aktit të Shërbimeve Digjitale.

Sipas një deklarate “X” mund të ketë shkelur rregullat e BE-së “në fusha të lidhura me menaxhimin e rrezikut, moderimin e përmbajtjes, modelet e errëta, transparencën e reklamave dhe aksesin e të dhënave për studiuesit”, shkruan Euronews.

Kjo vjen pas një kërkese për informacion të dërguar nga Komisioni te “X” në muajin tetor, pasi mori indikacione se platforma po përhapte përmbajtje dhe dezinformata të paligjshme, veçanërisht përmbajtje terroriste dhe të dhunshme në kontekstin e luftës Izrael-Hamas, përcjell albinfo.ch.