Vuçiq: Presim themelimin e asociacionit, nuk pranojmë asnjë dokument që anëtarëson Kosovën në OKB

Presidenti serb, Aleksandër Vuçiq, ka deklaruar se autoritetet serbe nuk kanë ndërmend të njohin Pavarësinë e Kosovës pavarësisht negociatave, ndërsa u shpreh se Serbia nuk pajtohet me asnjë dokument që mbështet anëtarësimin e Kosovës në Organizatën e Kombeve të Bashkuara, përcjell albinfo.ch.

“E përsëris: Serbia nuk e njeh dhe nuk do ta njohë Pavarësinë e Kosovës. Dhe, ne nuk do të pajtohemi me asnjë dokument që na detyron të mbështesim anëtarësimin e Kosovës në OKB ose në struktura të veçanta të OKB-së”, u shpreh ai.

Ndër të tjera, ai u shpreh që presin formimin e asociacionit.

”Serbia do të zbatojë gjithçka që kemi thënë, në mënyrë të denjë, në mënyrë korrekte, por do të presim edhe formimin e Asocioacionit të Komunave Serbe. Kështu që ne gjithmonë jemi përpjekur të arrijmë një kompromis, do të përpiqemi edhe në të ardhmen”, ka thënë ndër të tjera ai.