Paga minimale në Spanjë shkon në 1.134 euro 

Foto ilustrim

Kryeministri spanjoll, Pedro Sanchez, njoftoi se Këshilli i Ministrave do të miratojë rritjen e pagës minimale bruto në 1134 euro në muaj të martën.

“Kjo është ajo që ne socialistët bëjmë, ne transformojmë realitetin e qytetarëve dhe sundojmë për shumicën sociale të vendit tonë”, tha Sanchez.

Kjo rritje prej 5 për qind, që është 54 euro më shumë në muaj, ose 1,134 euro bruto në muaj në 14 pagesa, paraqet zgjerimin e “mbrojtjes sociale” dhe është një shembull tjetër se “Spanja po shkon në drejtimin e duhur”, theksoi kryeministri, transmeton euronews, përcjell albinfo.ch.

Sanchez kujtoi se paga minimale bruto nën Qeverinë e mëparshme të Partisë Popullore, e cila ishte në pushtet, ishte 735 euro në muaj.

Rritja e pagës minimale u ra dakord në mes të janarit midis qeverisë dhe sindikatave dhe do të prekë drejtpërdrejt rreth 2.5 milionë punëtorë, kryesisht të rinj dhe gra, shtoi Sanchez.