Ministri gjerman i Ekonomisë propozon reformën e taksave të korporatave 

Frankfurt, Gjermani, Pixabay

Ministri gjerman i Ekonomisë, Robert Habeck, ka hedhur idenë e një reforme të taksave të korporatave të vendit, si një mënyrë për të hequr presionin nga kompanitë që po përballen me sfida të shumta, duke përfshirë kostot e larta të energjisë.

“Unë shoh gjithashtu se ne kemi një taksim të përgjithshëm të korporatave që nuk është më konkurrues dhe i favorshëm për investime”, tha Habeck për të përjavshmen Welt am Sonntag, transmeton albinfo.ch.

“Kjo është pikërisht arsyeja pse ne duhet të konsiderojmë se si mund të financojmë, për shembull, lehtësimin e taksave, stimujt tatimorë për investimet në të ardhmen”, tha ai, duke shtuar se kjo do të ishte një mënyrë për të çliruar forcat ekonomike.

Habeck tha se qeveria ishte e kufizuar nga ajo që ai e quajti “liri veprimi jashtëzakonisht i ngushtë financiar”, duke vënë në dukje presionin e kursimeve në lidhje me buxhetin e Gjermanisë për vitin 2025.

Komentet e tij vijnë pasi Ministri i Financave, Christian Lindner, bëri thirrje për një paketë masash për të forcuar ekonominë, duke përfshirë rritjen e fleksibilitetit në tregun e punës, më pak burokraci si dhe stimuj tatimorë si pjesë e një reforme tatimore të korporatave. “Unë jam dakord me Christian Lindner. Ne duhet të bëjmë më shumë për rritjen dhe dinamikën ekonomike”, tha Habeck, duke shtuar se ai po punonte së bashku me Lindner për një paketë reformash.