Lajme
Familjarët e pengmarrësit të vrarë nga policia në Yverdon, bëjnë kallëzim penal
Vëllai i pengmarrësit, i cili u kontaktua në Iran, thotë se familja nuk e mbështet krimin, por se 32-vjeçari megjithatë nuk e meritonte të vritej
Vdekja e azilkërkuesit i cili ka mbajtur peng 13 persona në një tren pranë qytetit Yverdon VD më 8 shkurt, shihet nga familja e tij si një “padrejtësi”, transmeton albinfo.ch.
Prandaj, ajo ka paraqitur një padi në Prokurorinë Publike të Kantonit Vaud. Këtë e ka raportuar televizioni RTS në Zvicrën perëndimore.
Informacioni u konfirmua mbrëmë nga Prokurori i Përgjithshëm i Kantonit të Vaud, Eric Kaltenrieder, për agjencinë e lajmeve Keystone-SDA. Familja ka bërë kallëzim penal më 15 shkurt dhe kështu ka fituar statusin e paditësit privat në procedim. Në këtë moment nuk mund të jepet asnjë informacion i mëtejshëm.
Siç është njoftuar tashmë, më 9 shkurt, azilkërkuesi 32-vjeçar pati marrë peng dymbëdhjetë pasagjerë dhe shoferin e trenit në një tren rajonal në kantonin Vaud. Marrja e pengjeve zgjati mbi tre orë e gjysmë. Azilkërkuesi 32-vjeçar me kombësi iraniane, është qëlluar përfundimisht nga një polic dhe vdiq në vendngjarje.
Vëllai i pengmarrësit, i cili u kontaktua me telefon në Iran, shpjegoi në televizionin e Zvicrës perëndimore se familja nuk e mbështet krimin, por se 32-vjeçari megjithatë nuk e meritonte të vritej.
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Valais: Dy turistë vdesin si pasojë e një orteku, i treti mbijetoi Të dielën një ortek përfshiu dy turistë dhe si rrjedhojë të dy alpinistët humbën jetën. Një...
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave