Fatbardh Maliqi nga Kosova, një polic shembull në Kanada

Fatbardh Maliqi punon në Policinë e Charlottetown në Kanada prej 17 vjetësh. Deri më tani ka punuar si instruktor i drogës, detektiv i krimeve të rënda dhe pa dyshim edhe ndimës i emigrantëve të rinj në Kanada

Fatbardh Maliqi që në moshë shumë të re shkoi si refugjat në Kanada për t’u bërë pastaj emër suksesi, shkruan albinfo.ch.

Me një përvojë të shkëlqyer në Policinë e Charlottetown në Kanada, për më shumë se 17 vjet rresht ai i shërbeu rajonit të cilin e mbulon.

Puna e tij si instruktor i drogës, detektiv i krimeve të rënda dhe ndihmës i emigrantëve të rinj në Kanada tregon një përkushtim të vërtetë për komunitetin dhe drejtësinë. Kontributi i tij në luftën kundër krimit të organizuar, përfshirë trafikun e drogës, është i jashtëzakonshëm. Çdo detyrë që ka kryer është një shembull i admirueshëm i angazhimit dhe përkushtimit të tij ndaj punës. Fatbardhi, duke përjetuar sjelljet jo të drejta të policisë gjatë fëmijërisë së tij, ka gjetur misionin për të qenë një model i mirë i një oficeri policie. Ky është një shembull i fuqishëm se si përvojat personale mund të ndikojnë në zgjedhjet dhe misionin e një personi. /Albinfo.ch

 

---