Kosovari i dehur shkakton aksident, thotë se deshi të shmangte një kafshë

Por i riu kosovar është detyruar të dorëzojë mostrën e alkoolit të frymëmarrjes, e cila ka treguar një nivel prej 0.7 promilje

Një shofer 18-vjeçar ka shkaktuar një aksident nën efektin e alkoolit në Altnau (Kantoni Thurgau) mbrëmjen e së shtunës. Sipas deklaratës së tij, ai e kishte bërë aksidentin duke dëshiruar të shmangte një kafshë që kalonte në rrugë, transmeton albinfo.ch.

Në mes të natës të së shtunës, pak pas orës 1:30 të mëngjesit, shoferi 18-vjeçar ndodhej në rrugën Scherzingerstrasse, duke shkuar nga Altnau në drejtim të Landschlacht.

Ai ka lënë rrugën në të djathtë, është përplasur me një shtyllë dhe ka përfunduar në livadhin pranë rrugës, shkruan polizeinews.ch. Askush nuk u lëndua gjatë aksidentit. Ka pasur dëme materiale prej disa qindra frangash.

Por i riu kosovar është detyruar të dorëzojë mostrën e alkoolit të frymëmarrjes, e cila ka treguar një nivel prej 0.7 promilje, përcjell albinfo.ch. Atij ju sekuestrua leja e drejtimit (që e kishte provuese) nga Zyra e Qarkullimit Rrugor.

 

---