Lajme
Kërkesat për lejet e punës për refugjatët e statusit S, pritet të thjeshtohen në një regjistrim “online”
Parlamenti zviceran dëshiron të rrisë shkallën e punësimit të refugjatëve ukrainas. Për këtë qëllim, pritet të zëvendësohet kërkesa aktuale për lejen e punës me një kërkesë të thjeshtuar regjistrimi në internet. Kjo duhet të lehtësojë refugjatët me statusin e mbrojtjes S për të gjetur një punë në Zvicër, transmeton albinfo.ch.
Pas Dhomës së Përfaqësuesve, Senati miratoi gjithashtu një mocion përkatës të mërkurën dhe tani çështja ka kaluar tek Këshilli Federal.
Mocioni u iniciua nga Komiteti i Institucioneve Politike të Dhomës së Përfaqësuesve dhe duke folur në emër të këtij komiteti, senatorja Tiana Angelina Moser ka deklaruar se qëllimi ishte përmirësimi i integrimit të personave me status S në tregun e punës, shkruan swissinfo.
Kuptohet se regjistrimi do të ofronte më shumë fleksibilitet, pasi personat me statusin e mbrojtjes S mund të punësoheshin menjëherë nëse do të ishte e nevojshme, dhe gjithashtu do të kishte një pengesë më pak për punëdhënësit e mundshëm, të cilët do të duhej të plotësonin vetëm një formular online.
Statusi i mbrojtur i garantuar deri në vitin 2025
Pro mocionit votoi edhe Këshilli Federal. Ministri i Drejtësisë, Beat Jans ka thënë se qeveria dëshironte të rriste shkallën e punësimit të ukrainasve me statusin e mbrojtjes S nga 20% në 40% deri në fund të vitit 2024 dhe se kalimi nga leja në regjistrim ishte një hap kyç për arritjen e kësaj.
Një pakicë politikanësh të djathtë dhe të qendrës së djathtë besojnë se procesi ekzistues është tashmë i shpejtë dhe i lehtë për t’u përfunduar. Parlamentarja, Esther Friedli foli për një “erozion të mbrojtjes së punonjësve” pasi me një sistem regjistrimi, kontrollet e pagave dhe kushteve të punës do të kryheshin në mënyrë retrospektive dhe të rastësishme, ndërkohë që aktualisht kryhen paraprakisht dhe sistematikisht.
Ndryshe, “Statusi S” u jepet refugjatëve nga Ukraina dhe të afërmve të tyre të ngushtë. Sipas qeverisë, rreth 66,000 njerëz me status S jetonin në Zvicër në fillim të dhjetorit. Nëntorin e kaluar, qeveria vendosi të mos revokojë statusin S përpara 4 marsit të vitit 2025.
Të tjera nga Lajme
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in