Lajme
Ushtria e SHBA-së zbarkon në Gjermani, nis stërvitja e madhe ushtarake
Ushtria e Shteteve të Bashkuara ka zbarkuar në jug të Gjermanisë. Së bashku me vendet e tjera të NATO-s, është duke kryer stërvitjen më të madhe të forcave tokësore që nga fillimi i pushtimit rus të Ukrainës.
Gjenerali i Komandës së Trajnimit, Steve Carpenter, e quajti këtë organizim ushtarak një “javë të shkëlqyer” për NATO-n, duke shtuar se aleanca do të mbronte çdo kryeqytet të një vendi anëtar, ndërsa kahu lindor konsiderohet si më i rrezikuari.
“Kjo është një javë e shkëlqyer trajnimi për NATO-n dhe nuk mund të vijë në një moment më të rëndësishëm, pasi ne rrisim ndërveprueshmërinë nga pikëpamja procedurale. Ne po flasim të njëjtën gjuhë. Po flasim për NATO-n. Nga pikëpamja teknike, ne jemi në gjendje të komunikojmë në mënyrë digjitale dhe nga një këndvështrim njerëzor. Nëse duhet t’i dërgojmë ushtritë tona në Lindje, pyetja për të 32 kombet do të jetë se kush do ta mbrojë kryeqytetin tim? Dhe përgjigjja është vullneti i NATO-s”, tha Steve Carpenter, Komandant i Përgjithshëm i Trajnimit të Ushtrisë.
NATO dhe Shtetet e Bashkuara të Amerikës kanë prezencë në Gjermani me baza të shumta ushtarake dhe logjistike. Afërsia e Gjermanisë me enklavën ruse të Kaliningradit e bën atë një nga vendet më të rëndësishme anëtar të NATO-s, por edhe vendin me gatishmëri të lartë në rast lufte.
Si provë, këtë të enjte Landi i Westfalisë në Gjermani u zgjua nën sirenat e alarmit, për të testuar nivelin e vigjilencës tek popullsia civile dhe gatishmërinë e tyre. Sirenat u dëgjuan deri në qytetin e Bonit. Hera e fundit që u dëgjuan sirenat në gjithë Gjermaninë ishte në shtator 2023.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
Pse kaq shumë organizata sportive ndërkombëtare kanë bazën në Zvicër? Zvicra është tronditur nga lajmi se FIFA ka ndryshuar rregullat e saj për të lejuar lëvizjen...
-
Katër mërgimtarët që udhëtuan nga Zvicra në Strugë me biçikletë
-
Rrëshqitja e dheut në Schwanden: Komuniteti po shkatërron 15 ndërtesa
-
Qyteti kundër kantonit në Cyrih: Mosmarrëveshja ligjore mbi Rosengartenstrasse përshkallëzohet
-
Gati gjysma e specieve të bletëve zvicerane në “listën e kuqe” të rrezikut të ekzistencës