Deputeti gjerman i reagon Escobarit: Ne vendosim për anëtarësimin e Kosovës në KE

Knut Abraham

Deputeti gjerman, Knut Abraham, ka reaguar pas deklarimit të emisarit të Shteteve të Bashkuara të Amerikës, Gabriel Escobar, se Kosova i ka edhe dy kritere pa përmbushur në rrugën për anëtarësim në Këshill të Evropës.

Abraham që është pjesë e delegacionit gjerman në Asamblenë Parlamentare të Këshillit të Evropës, thotë se për anëtarësimin e Kosovës ky institucion vendos si i pavarur.

“I vlerësojmë shqetësimet e Escobarit, por mund ta sigurojmë se Asambleja Parlamentare në mënyrë të pavarur do t’i përcaktojë kriteret e anëtarësimit për Kosovën në Këshill të Evropës dhe do ta vlerësojë përmbushjen e tyre. SHBA-ja nuk do t’i plotësonte këto kritere për shkak të dënimit me vdekje”, ka shkruar ai në platformën X.