Lajme
“Ora e Tokës”: Dritat do të fiken në shumë qytete të Zvicrës mbrëmjen e së shtunës
Më shumë se 100 qytete, komuna, kompani dhe individë në Zvicër po marrin pjesë në iniciativën “Ora e Tokës” mbrëmjen e së shtunës. Ata do të fikin dritat për një orë në orën 20:30, për të dhënë një sinjal të qartë për klimën. Ky aksion i WWF është nisur në shkallë globale, transmeton albinfo.ch.
Qytete si Gjeneva, Fribourg, Delémont, Ecublens, Montreux, Morges, Basel, Berna, Lucerne, Locarno dhe madje edhe St. Gallen do të fikin ndriçimin e monumenteve të tyre emblematike për një orë, të shtunën në mbrëmje në orën 20:30. Nga ana e biznesit, UBS, për shembull, do të fikë dritat në Paradeplatz në Cyrih.
Gjatë kësaj “Ore të Tokës”, monumentet e famshme si Empire State Building në New York apo Taj Mahal në Indi do të mbeten gjithashtu do të “mbulohen” nga errësira, shkruan RTS.
Nisma ka mbështetjen e Sekretarit të Përgjithshëm të Kombeve të Bashkuara, Antonio Guterres. “Ora e Tokës na kujton se ne të gjithë – në një shkallë të madhe dhe të vogël – mund të kontribuojmë në mbrojtjen e shtëpisë sonë të përbashkët dhe sigurimin e të ardhmes sonë”, ka thënë ai.
Të dhënat e publikuara së fundmi nga Organizata Botërore Meteorologjike (WMO) tregojnë rëndësinë e veprimit klimatik. Temperaturat mesatare të ajrit dhe oqeaneve nuk kanë qenë kurrë aq të larta sa në vitin 2023 që nga fillimi i matjeve.
Në Zvicër, gjurma mesatare është rreth 13 tonë ekuivalent CO2 për person në vit. “Ne duhet dhe mund ta reduktojmë atë”, thotë WWF.
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in