Maqedonia
Ali Ahmeti tregon 10 zotimet e koalicionit Fronti Europian
Koalicioni shqiptar i “Frontit Europian” ka renditur zotimet para zgjedhjeve presidenciale dhe parlamentare në Maqedoninë e Veriut
Koalicioni shqiptar “Frontit Europian” ka renditur zotimet para zgjedhjeve presidenciale dhe parlamentare në Maqedoninë e Veriut.
Ali Ahmeti, kryetar i Bashkimit Demokratik për Integrim, partisë më të madhe të shqiptarëve në RMV, shkroi në Facebook se sot kanë dëgjuar platformën e kandidatit të tyre për president të vendit, Bujar Osmani.
“Me bashkëdrejtuesit e Frontit Europian dëgjuam sot prezantimin e platformës zgjedhore të kandidatit tonë për President, z. Bujar Osmani, të titulluar “Dekalogu i Presidentit Europian” dhe nënshkruam deklaratën mbështetëse ndaj përmbajtjes së saj në thelb konform vlerave të zhvillimit europian”, shkroi Ahmeti.
Tutje, ai renditi zotimet, të cilave tha se iu qëndrojnë “unanimisht bashkë”, transmeton albinfo.ch.
“Zotimet pas së cilave qëndrojmë unanimisht bashkë janë: Integrimi në BE deri në vitin 2030, Zgjedhja e Presidentit në Kuvend me shumicë të dyfishtë, Partneriteti dhe dialogu strategjik me SHBA-n, Formimi i Bordit ndërkombëtar me SHBA, BE dhe NATO për çertifikimin e të gjithë bartësve të funksioneve publike, Përforcimi i Armatës konform standardeve të NATO-s, Marrëveshja kornizë ekonomike, Etablimi adekuat ndërkombëtar përmes politikës së jashtme, Mbajtja e të rinjve në vend, Edukimi dhe inovacioni, si dhe Agjenda e gjelbër”, shkroi Ahmeti.
Kryetari i BDI-së tha se nuk garojnë “vetëm formalisht në zgjedhje, por me ide dhe vizion të qartë rreth veprimit politik të së ardhmes!”.
“Bashkë drejt Europës!”, shkroi në fund Ali Ahmeti.
Të tjera nga Maqedonia
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore