Lajme
Vëllezërit Selmani sonte në garë për të fituar X-Factor në Danimarkë
Këtë të premte, në finalen e këtij vitit të X-Factor në Danimarkë, vëllezërit Arbnor dhe Rinor Selmani do të garojnë për çmimin e madh.
Finalja mbahet në Arena Randers.
Vëllezërit Selmani janë nga Kalundborg, ku mediat lokale daneze njoftojnë që bashkëvendasit e tyre do të shfaqin në një ekran të madh natën finale.
“Mendojmë se ka kuptim të bëjmë diçka ku mund të mbledhim qytetin dhe t’i mbështesim”, thotë Trine Nystrup, e cila së bashku me bashkëshortin e saj janë bashkëpronarë të lokalit Kontoret në Kalundborg, ku do të shfaqet finalja.
Zakonisht është futbolli ai që i tërheq njerëzit në ekranin e madh të pijetores. Por edhe nëse X Factor nuk është i njohur, kjo sigurisht që nuk vlen për vëllezërit Rinor dhe Arbnor Selmani, pasi ata janë klientë.
“Njerëzit mendojnë se është qesharake që është dikush që shohin në qytet. Ata janë shumë me këmbë në tokë, ndaj gjejnë kohë për të përshëndetur njerëzit”, thotë Trine Nystrup.
Vëllezërit, të cilët performojnë në grup me emrin artistik Selmani, iu drejtuan edhe vetë pub-it dhe i falënderuan për mbështetjen e tyre pas shpalljes së ngjarjes në ekranin e madh.
“Pyes veten nëse duhet të bëjmë diçka për ta nëse shkojnë deri në fund”, thotë Trine Nystrup, duke kryqëzuar gishtat për vëllezërit.
Thirrje për t’i votuar, kanë bërë edhe shqiptarët e Danimarkës.
“Të nderuar shqiptarë me vendbanim në Danimarkë! Sonte, në datë 5 prill 2024, është nata finale e X Factor’it në Danimarkë, prandaj mos harroni të votoni “Vëllezërit Selmani” që kanë shkëlqyer nga fillimi i X Factor-it këtë vit. Njëkohësisht përgëzojmë familjen Selmani, dhe sidomos prindërit e finalistëve, Qerim dhe Haxhere Selmani, për të gjithë mundin që kanë dhënë që djemtë e tyre të jenë ambasadorë të vërtetë të kulturës shqiptare në Danimarkë”, thuhet në njoftimin në rrjetet sociale.
Mbrëmjen e së premtes në Arena Randers do të mbahet finalja e X Factor, ku Selmani do të ketë mbështetje të madhe edhe nga familjarët dhe miqtë. Emisioni transmetohet në orën 20:00 në TV 2.
Të tjera nga Lajme
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Zvicër
-
Rreth 2.5 milionë njerëz morën pension pleqërie AHV në vitin 2023 Në fund të vitit 2023, rreth 2.5 milionë njerëz në Zvicër morën pension pleqërie AHV. Kjo...
-
Kamberi shënon, Zuerichu siguroi kualifikimet në Ligën e Konferencës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë