Çmimet e pronave në Zvicër do të vazhdojnë të jenë jashtë mundësive për zviceranët

@pixabay

Çmimet e pronave në Zvicër do të vazhdojnë të jenë jashtë mundësive të shumicës së banorëve, parashikon UBS Bank, përcjell albinfo.ch.

Për të qenë në gjendje të blejë një shtëpi për një familje me çmimin që kushton në Gjenevë (më shumë se 1 milion franga), një familjeje do të kishte nevojë për të ardhura bruto prej 300,000 frangash në vit, thotë banka.

Për të përballuar prona më të lira, njerëzit kanë lëvizur në periferi, por kërkesa në rritje në ato rajone ka rritur edhe çmimet.

Por ndonëse kostoja e pronave është penguese për shumicën, Thomas Veraguth, ekspert i pasurive të paluajtshme të UBS, tha se ata që kanë mjetet për të blerë prona, duhet ta bëjnë këtë tani, në vend që të presin sepse pronësia është akoma më e favorshme se dhënia me qira.