Detaje nga rasti kur një shtetas nga Kosova vrau pronarin e biznesit në Dyseldorf

(KEYSTONE/imageBROKER/Rupert Oberhäuser)

Një vrasje me armë zjarri është regjistruar dje në qytetin e Dyseldorfit në Gjermani.

Mësohet se ngjarja e rëndë është regjistruar para një restoranti, në qendër të qytetit në Dyseldorfit, ku një shqiptar ka vrarë pronarin e biznesit, raportojnë mediat gjermane, përcjell albinfo.ch.

Pronari 38-vjeçar i një lokali në Herzogstrasse, në lagjen Friedrichstadt, ka debatuar me 52-vjeçarin shqiptar.

Në tensione e sipër ata kanë vendosur të dalin jashtë restorantit për të zgjidhur situatën, gjë e cila nuk ndodhi, madje u acarua më shumë. Pasi situata ka dalë jashtë kontrollit, shqiptari papritur ka nxjerrë armën dhe ka qëlluar disa herë viktimën.

Aktualisht është e paqartë nëse autori dhe viktima njiheshin me njëri-tjetrin.

Disa media shqiptare kanë raportuar se viktima është serb, por ende nuk është konfirmuar zyrtarisht.

https://rp-online.de/nrw/staedte/duesseldorf/ein-toter-bei-schuessen-in-duesseldorf-tatverdaechtiger-festgenommen_aid-111505205?mibextid=NOb6eG