Gjermani: Lirohen nga burgu të dënuarit për kanabis

Si rezultat i kësaj rregulloreje të re, të paktën 125 persona janë liruar nga burgu për deliktet që nuk janë më vepra penale sipas ligjit aktual

Ligji i ri i kanabisit ka një muaj që ka hyrë në fuqi në Gjermani. Ai rregullon legalizimin e pjesshëm të kanabisit dhe gjithashtu përfshin një amnisti për veprat e kryera më parë, të cilat nuk do të ishin më vepra penale sipas ligjit aktual.

Si rezultat i kësaj rregulloreje të re, të paktën 125 persona janë liruar nga burgu, transmeton albinfo.ch. Kjo del nga një hulumtim i ARD-së. Gjithsej rreth 216,000 procedura janë shqyrtuar deri më tani, dhe të paktën 10,000 raste janë ende në pritje.

Shumë të dënuar nuk do të lirohen menjëherë, sepse ndodhen në burg edhe për krime të tjera. Në këto raste, gjyqtari duhet të vendosë sërish për kohëzgjatjen e burgimit.

Vetëm në North Rhine-Westfali, 86,000 raste duhej të kontrolloheshin për të parë nëse rastet prekeshin nga situata e re ligjore. Koha e nevojshme për shqyrtim është deri në 60 minuta për dosje.

 

---