Shkurt.ch

Neuchâtel: Një algjerian 29-vjeçar u gjet pa shenja jete, në qeli

La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës 7 të mëngjesit të së dielës

E hënë, 6 Maj 2024 - 22:00 albinfo.ch

@unsplash

Një i burgosur algjerian 29-vjeçar është gjetur i vdekur të dielën në mëngjes në burgun La Promenade në La Chaux-de-Fonds NE. I burgosuri ishte vendosur i vetëm në një qeli.

Trupi i tij i pajetë u gjet nga rojat e burgut rreth orës 7 të mëngjesit të së dielës, thanë autoritetet e Neuchâtel-it të hënën, transmeton albinfo.ch. Pavarësisht tentativave për reanimim, shtetasi algjerian nuk mund të ringjallej më.

Prokuroria ka nisur hetimet për të përcaktuar shkakun e vdekjes, shkruan agjencia zvicerane e lajmeve SDA.

Një vdekje tjetër në burg kishte ndodhur po ashtu javën e kaluar: një 19-vjeçar polak ka vdekur të enjten në mëngjes në qendrën St. Johannsen në Le Landeron NE.