Zvicër: Azilkërkuesit e mitur sulmojnë njëri-tjetrin me thika

Ilustrim

Ka pasur një përleshje mes disa azilkërkuesve të mitur në stacionin e trenit Richterswil të enjten në mbrëmje. Një person ka mbetur i plagosur me thikë.

Në orën 18:00 kalimtarët kanë denoncuar në polici një sherr mes disa të rinjve. Siç njoftoi policia kantonale e Cyrihut të premten pasdite, policia në vendngjarje ka hasur në një afgan 17-vjeçar, i cili ka mbetur i plagosur lehtë nga një rrahje dhe një bashkatdhetar 18-vjeçar, i cili është plagosur më rëndë nga një rrahje dhe therje me thikë. I rrituri duhej të dërgohej në spital, transmeton albinfo.ch.

Sipas gjetjeve fillestare nga policia kantonale e Cyrihut, në stacionin e trenit ka pasur një konfrontim mes dy grupeve të të rinjve azilkërkues afganë të pashoqëruar.

Tri arrestime

Rreth dy orë pas sherrit, policia kantonale arrestoi tre autorë të dyshuar të moshës 17 vjeç. Të rinjtë janë afganë, teksa pas marrjes në pyetje në polici, ata do t’i referohen prokurorisë së të rinjve, shkruan 20minuten.