Primet e sigurimit shëndetësor mund të rriten me 6 për qind në vitin 2025

(KEYSTONE/Christian Beutler)

Ka lajme (relativisht) të mira dhe jo shumë të mira në lidhje me koston e sigurimit të detyrueshëm shëndetësor, përcjell albinfo.ch.

Lajmi jo shumë i mirë është se, sipas parashikimeve të platformës së konsumatorit Comparis, tarifat do të rriten me 6 për qind vitin e ardhshëm.

Lajmi relativisht i mirë, megjithatë, është se nëse ky parashikim rezulton i saktë, rritja do të jetë më e moderuar se sa ishte në dy vjetët e fundit: 6.6 më 2022 dhe 8.7 për qind më 2023.