Arian Bilali, kandidat për Parlamentin Nacional

Arian Bilalli, një politikan i ri zviceran me prejardhje shqiptare, ka qenë më i riu kur para tri vitesh pati kandiduar për Parlamentin Kantonal të Katonit Thurgau. Atëbotë djaloshi me rrënjë nga Gostivari, Maqedoni, nuk i kishte mbushur as 18 vjet dhe nuk ia kishte dalë të zgjidhej.

“Me rëndësi është pjesëmarrja” mund të thuhet sidomos kur bëhet fjalë për një kandidat kaq të. ri.

Sot, rreth 3 vjet më vonë, Ariani e ka bërë një hap më tutje: ai kandidon në zgjedhjet për Parlamentin Nacional. Këtë lajm ai e ka kumtuar në faqen e tij në facebook.

“Jam nominuar zyrtarisht nga JuSo vv në Thurgau dhe më kanë vendosur në listën e tretë”, bën të ditur kandidati që ende nuk i ka mbushur 21 vjet (i lindur në prill 1994). I gëzohem garës që fillon në muajin gusht…”, shkruan Ariani në gjuhën gjermane.

Ai është shumë aktiv në lëvizjet për mbrojtjen e ambientit në regjionin ku Jeton dhe më gjerë. Ka marrë pjesë në shumë aksione dhe aktivitete të ndryshme në këtë drejtim.

Arian Bilali është shqiptarozvicerani i tretë që kandidon për zgjedhjet nacionale që mbahen në tetor të këtij viti. Para tij, për paralemntin e vendit kanë shpallur garën edhe Blerim Bunjaku (Winterthur-ZH nga EVP dhe Arbër Bullkaj (Will-SG), nga SP/PS.