Arrestohet shqiptari, në banesën e tij gjendet një kg heroinë dhe shumë para

Me ndihmën e një qeni nuhatës, janë sekuestruar rreth një kilogram heroinë, rreth 40 gramë kokainë dhe materie përpunimi

Policia Kantonale e Glarusit ka arrestuar një tregtar droge, shtetas shqiptar,  59-vjeçar, në Niederurnen të mërkurën e kaluar. Me atë rast ajo ka gjetur shuma të mëdha parash, heroinë, kokainë dhe material për përpunimin e drogës, në banesën e tij, transmeton albinfo.ch.

Në total, me ndihmën e një qeni nuhatës, janë sekuestruar rreth një kilogram heroinë, rreth 40 gramë kokainë dhe materie përpunimi, shkruan march24.ch.

59-vjeçari shqiptar ndodhet aktualisht në paraburgim. Janë duke u zhvilluar hetimet e mëtejshme nga Policia Kantonale e Glarusit.

Procedurat po zhvillohen nga zyra e prokurorisë publike dhe asaj për të rinj, të kantonit Glarus.

(Foto: Kapo Glarus)

---