Kjo është paga minimale në Ballkan dhe Evropë

Qeveria e Kosovës mori vendim gjatë një mbledhjeje, të mërkurën, ta rrisë pagën minimale në vend në 350 euro për punëtorët e të gjitha moshave.

Kjo rritje u bë vetëm disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto për të gjithë të punësuarit në sektorin publik e privat.

Por, me vendimin e ri të Qeverisë së kryeministrit Albin Kurti, shkalla e re e pagës minimale do të jetë 2 euro për orë pune të rregullt, apo 350 euro bruto në muaj për orar të plotë.

Në kontinentin evropian, Kosova e ka pagën më të vogël minimale, ndërsa Luksemburgu i prin listës si shteti me pagën më të madhe minimale. Paga minimale e një shteti përcaktohet me ligj dhe zbatohet për shumicën e punonjësve të atij shteti.

Luksemburgu – 2.571euro;

Holanda – 2.134;

Belgjika – 2.070;

Gjermania – 2.054;

Franca – 1.767;

Spanja – 23;

Sllovenia – 1.254;

Greqia – 968;

Kroacia – 840;

Republika Çeke – 755;

Rumania – 743;

Hungaria – 675;

Turqia – 568;

Serbia – 544;

Maqedonia e Veriut – 542;

Mali i Zi – 533;

Bosnje e H.* – 486;

Bullgaria – 477;

Shqipëria – 399;

Kosova – 350;

* 486 euro për Federatën e BeH dhe 690 euro për Republikën Sërpska./REL

 

---