Futboll

Nedim Bajrami, afër transferimit te Rangersi

E premte, 30 Gusht 2024 - 21:00 albinfo.ch
Foto: FSHF

Drejtori i Sassuolos, Giovanni Carnevali, ka bërë të ditur se Nedim Bajrami është afër që t’i bashkohet Rangersit skocez për 4 milionë euro.

“Po finalizohet marrëveshja, por asgjë nuk është e kryer. Po punojmë në atë aspekt. Mendoj se do të arrijmë marrëveshje së shpejti”, ka thënë drejtori i Sassuolos, Carnevali, për “Sky Sport Italia”.

Ish-mesfushori i Empolit u transferua te Sassuolo në janar të vitit 2022.

25-vjeçari që përfaqëson Shqipërinë, u paraqit në tri ndeshje në të gjitha garat e edicionit aktual për Sassuolon.

Bajrami i ka 10 gola të realizuar e 11 asistime në 100 paraqitje në Serie A me Sassuolon e Empolin.

Rangersi do të luajë në Ligën e Evropës në edicionin 2024/2025.

 

 Të tjera nga Futboll

“Duhet të transferojmë Granit Xhakën”

 E-Diaspora

 Jeta në Zvicër