Hekurudhat Federale të Zvicrës raportojnë fitim më të ulët, përpikmëri më të lartë

(KEYSTONE/Urs Flueeler).

Me 50.8 milionë CHF, Hekurudhat Federale të Zvicrës (SBB) realizuan vetëm gjysmën e fitimit në gjysmën e parë të 2024-ës, krahasuar me të njëjtën periudhë të një viti më parë. Sipas SBB, arsyet kryesore për këtë ishin të ardhurat më të ulëta në transportin e mallrave dhe kostot më të larta për infrastrukturën dhe transportin rajonal, transmeton albinfo.ch.

Sipas njoftimit, njëkohësisht, SBB regjistroi një numër rekord të pasagjerëve. Çdo ditë, 1.34 milionë pasagjerë udhëtonin në trenat SBB. Kjo është 0.7% më shumë se në të njëjtën periudhë të vitit të kaluar.

Sipas njoftimit për shtyp, trenat e pasagjerëve të SBB ishin më të përpiktë në gjysmën e parë të vitit se kurrë më parë në një semestri të parë. Rreth 93.8% e trenave mbërritën në kohë, shkruan swissinfo.

Sipas SBB, përpikëria u përmirësua në Zvicrën Perëndimore dhe në kantonin jugor të Ticino-s në veçanti. Rreth 98.9% e lidhjeve ishin të garantuara.