Parlamenti miraton marrëveshjen policore me Kosovën

Marrëveshja synon luftimin e krimit të organizuar, trafikimit me qenie njerëzore, tregtisë me drogë dhe terrorizmit

Dhoma Nacionale e Parlamentit të Zvicrës ka miratuar sot Marrëveshjen për intensifikimin e Bashkëpunimit Policor në mes të Zvicrës dhe Kosovës. Kjo marrëveshje synon luftimin e krimit të organizuar, trafikimit me qenie njerëzore, tregtisë me drogë dhe terrorizmit, bëhet e ditur në komunikatën e publikuar nga institucionet federale

Marrëveshja është miratuar me shumicë të madhe votash: 152 pro, 7 kundër dhe 11 të përmbajtura. Dhoma tjetër, ajo e kantoneve ka votuar për këtë marrëveshje në dhjetor të vitit 2014.

Partia e Gjelbër ka qenë e vetmja që si parti ka ofruar rezistencë kundër miratimit të kësaj marrëveshjeje.

Marrëveshja u lejon të dy vendeve veç tjerash këmbimin e informacioneve dhe ngrirjen e grupeve të përziera hetimore.